Туркияда Украина ва Россия ўртасида музокаралар ўтказилади
Учрашувлар 15–16 апрель кунлари бўлиб ўтиши кутилмоқда.
15–16 апрель кунлари Туркия пойтахти Анқарада Россия ва Украина расмийлари иштирокида музокаралар бўлиб ўтиши кутилмоқда. Бу ҳақда Туркия Миллий мудофаа вазирлиги манбалари хабар бермоқда.
Музокараларда асосий эътибор Қора денгиздаги кемалар хавфсизлиги масалаларига қаратилиши айтилмоқда. Ҳозирча Россия ҳам, Украина ҳам бу учрашувни расмий тарзда тасдиқламаган.
Эслатиб ўтамиз, бундан олдин Саудиялик воситачилик остида ўтказилган учрашувларда ҳам Қора денгизда отишмаларни тўхтатиш, хавфсиз навигация ва портлар фаолиятини тиклаш масалалари кўтарилган эди.
Россия томони ўз навбатида халқаро озиқ-овқат таъминоти барқарорлигини тиклаш учун, унга нисбатан қўлланилган қишлоқ хўжалиги маҳсулотлари ва ўғитлар экспортига доир санкцияларни бекор қилишни талаб қилган.
