Хитой туғилиш даражасини ошириш мақсадида оилаларни рағбатлантирмоқда
Эндиликда учинчи фарзанд учун 10 йил давомида субсидия берилади.
Хитой шимолидаги Хуххото шаҳри (Ички Мўғулистон автоном ҳудуди маъмурий маркази) туғилиш даражасини ошириш ва жамиятнинг қаришини секинлаштириш мақсадида оилаларга йирик миқдорда молиявий ёрдам ваъда қилмоқда.
Янги қоидалар асосида:
- Биринчи фарзанди дунёга келган оилалар 10 минг юань (тахминан 1,4 минг доллар) миқдорида бир марталик субсидия олади.
- Иккинчи фарзанд учун эса бола беш ёшга етгунига қадар ҳар йили 10 минг юань тўланади.
- Учинчи ва ундан ортиқ фарзанд учун субсидия бола 10 ёшга тўлгунга қадар давом этади.
Шаҳар соғлиқни сақлаш қўмитаси раҳбари ўринбосари Ян Чжуннинг сўзларига кўра, ушбу чора-тадбирлар аҳолининг камайиб бораётган туғилиш кўрсаткичларини яхшилашга қаратилган. 2019-2023 йиллар оралиғида шаҳарда туғилиш даражаси пасайган бўлса, 2024 йилда у бироз ошган. Мутахассислар ушбу субсидия дастурининг узоқ муддатли таъсирини ҳали баҳолаш кераклигини таъкидламоқда, бироқ кўплаб оилалар бу сиёсатни ижобий қабул қилмоқда.c
