Joriy yilning 19 fevral kuni Xorazm viloyati Yangiariq tumani Yangiariq mahallasida istiqomat qiluvchi 1954 yilda tug‘ilgan shaxs, oilaviy kelishmovchilik sababli, 1974 yilda tug‘ilgan o‘g‘lini uyida saqlab kelayotgan ov quroli bilan qasddan otib o‘ldirgan. Shuningdek, kelini va nabirasiga ham o‘q otib, og‘ir jarohat yetkazgan.
Ushbu jinoyat tergov-tezkor guruhi tomonidan qisqa muddatda fosh etilib, gumonlanuvchi ehtiyot chorasi sifatida qamoqqa olingan. Hozir dastlabki tergov harakatlari olib borilmoqda.