“Yoshsaylovchi.uz” электрон платформаси ишга тушди
Бу йилги Ўзбекистон Республикаси Президенти сайловида 7 449 686 нафар сайловчи ёшлар иштирок этадилар. Шундан 837 952 нафари илк марта сайловда иштирок этадиган ёшлардир.
Ёшларимизнинг сиёсий билими, ҳуқуқий маданиятини ошириш мақсадида yoshsaylovchi.uz платформаси ишга туширилди. Бу ҳақда Ёшлар ишлари агентлиги директори Алишер Саъдуллаев хабар қилди.
Унинг айтишича, ушбу платформа орқали сайлов жараёни ҳақида зарур маълумотларни олиш, сайлов участкасини аниқлаш мумкин.
Энг муҳими, ёшларимизнинг сайловда тўғридан-тўғри жараённи кузатишлари, хорижий экспертлар ва вакиллар билан биргаликда тажриба орттиришларига жуда яхши имконият бор. Aйниқса, бу хорижий тилларни билган ёшларимизга зўр тажриба майдони бўлади. Бунинг учун сайтдан рўйхатдан ўтган ҳолда сайловда волонтёр ёки тренер сифатида иштирок этиш имкони яратилган.
Эслатиб ўтамиз, аввалроқ Ўзбекистон Президентлигига барча номзодлар рўйҳатга олинганди. Шунингдек, талабалар сайловда қатнашиш учун уйларига қайтиши шарт эмаслиги ҳақида хабар берилганди.
Баҳринисо Мадумарова
