Yoshlarimizning siyosiy bilimi, huquqiy madaniyatini oshirish maqsadida yoshsaylovchi.uz platformasi ishga tushirildi. Bu haqda Yoshlar ishlari agentligi direktori Alisher Saʼdullayev xabar qildi.
Uning aytishicha, ushbu platforma orqali saylov jarayoni haqida zarur maʼlumotlarni olish, saylov uchastkasini aniqlash mumkin.
Eng muhimi, yoshlarimizning saylovda to‘g‘ridan-to‘g‘ri jarayonni kuzatishlari, xorijiy ekspertlar va vakillar bilan birgalikda tajriba orttirishlariga juda yaxshi imkoniyat bor. Ayniqsa, bu xorijiy tillarni bilgan yoshlarimizga zo‘r tajriba maydoni bo‘ladi. Buning uchun saytdan ro‘yxatdan o‘tgan holda saylovda volontyor yoki trener sifatida ishtirok etish imkoni yaratilgan.
Eslatib o‘tamiz, avvalroq O‘zbekiston Prezidentligiga barcha nomzodlar ro‘yhatga olingandi. Shuningdek, talabalar saylovda qatnashish uchun uylariga qaytishi shart emasligi haqida xabar berilgandi.
Bahriniso Madumarova