Талабалар сайловда қатнашиш учун уйларига қайтиши шарт эмас
Доимий яшаш ҳудудидан олисда таҳсил олаётган талабалар сайловда овоз бериши учун доимий яшаш жойидаги сайлов участкасига боришлари шарт эмас.
Марказий сайлов комиссияси томонидан жорий йилда бўлиб ўтадиган Президент сайловида иштирок этиш учун талабаларга қўшимча имконият яратилди. Унга кўра, талабалар ўз сайлов участкасини ўзгартириб, вақтинча яшаб турган манзилидаги сайлов участкасида овоз беришлари мумкин бўлади.
Масалан, Тошкентда таҳсил олаётган хоразмлик талаба сайлов участкасини ўзгартириш ҳақида онлайн ариза юбориб, Тошкент шаҳрида сайловда қатнаша олади.
Ўз сайлов участкангизни алмаштириш учун қуйидаги ҳавола орқали ариза топширишингиз керак: https://my.gov.uz/uz/service/492
Эслатиб ўтамиз, аввалроқ Ўзбекистонда сайловларни ўтказиш амалиёти сифат жиҳатидан янги босқичга кўтарилгани ҳамда «Сайлов-2021» мобил иловаси яратилгани ҳақида хабар берилганди.
