Ўзбекистонда неча киши «Спутник В» ваксинаси билан эмлангани маълум қилинди
Ўзбекистонда айни пайтгача 94 140 киши «Спутник В» ваксинаси билан эмланди. Бу ҳақда Тошкент шаҳар Соғлиқни сақлаш бош бошқармаси бошлиғи ўринбосари Улуғбек Эгамбердиев маълум қилди.
Таъкидланишича, ушбу ваксинани сақлаш маълум шароитларни талаб этади. Жумладан, ваксина -18 даража ҳароратда сақланиши керак. Шу сабабдан ҳам Тошкент шаҳрида жойлашган марказий поликлиникалар -18 даражага мослаштирилган совуткичлар билан таъминланиб, ваксиналар мазкур муассасаларда сақланган. Ваксинация жараёнлари ҳам айнан шундай поликлиникаларда ўтказиб келинган.
Бугунги кунда эса «Спутник В» ваксинанинг мамлакатга келтирилган барча дозасидан фойдаланиб бўлинган. Aммо яқин кунларда унинг навбатдаги дозаларини Ўзбекистонга келтириш режа қилинган.
