Ўзбекистон экспортида энг юқори улушга эга 10та давлат номи маълум қилинди
Ўзбекистон маҳсулоти va товарлари энг кўп Хитой, Туркия va Россия мамлакатларига экспорт қилинган.
Давлат статистика қўмитаси Ўзбекистон маҳсулот va товарларни қайси давлатларга энг кўп экспорт қилаётгани маълум қилди.
Унга кўра, 2021 йилнинг январь–май ойларида Ўзбекистон экспортида Хитой (835,4 миллион АҚШ доллари), Туркия (694,1 миллион АҚШ доллари), Россия (658,6 миллион АҚШ доллари), Қозоғистон (442,0 миллион АҚШ доллари), Афғонистон (296,3 миллион АҚШ доллари), Қирғизистон (273,0 миллион АҚШ доллари), Тожикистон (153,8 миллион АҚШ доллари), Канада (84,8 миллион АҚШ доллари), Эрон (81,6 миллион АҚШ доллари), Украина (68,7 миллион АҚШ доллари) давлатлари юқори улушга эга бўлган.
Маълум қилинишича, 2021 йилнинг январь—май ойларида Ўзбекистоннинг жами экспорт ҳажми $5,7 миллиардга тенг бўлган.
