Aбдулазиз Комилов ШҲТ бош котиби билан учрашди
Ўзбекистон ташқи ишлар вазири Aбдулазиз Комилов 6 июл куни Шанхай ҳамкорлик ташкилоти бош котиби Владимир Норов билан учрашди. Бу ҳақда вазирлик матбуот хизмати хабар берди.
Таъкидланишича, суҳбат чоғида Ўзбекистон ва ШҲТ ўртасидаги кўп қиррали ҳамкорликнинг ҳолати ва истиқболлари ҳамда ташкилот фаолиятини яна-да ривожлантириш масалалари муҳокама қилинди.
ШҲТга аъзо мамлакатлар давлат раҳбарлари кенгаши ва ташқи ишлар вазирлари кенгашининг бўлажак йиғилишлари кун тартиби ва ташкилий жиҳатлари юзасидан фикр алмашилди.
Шунингдек, 2021 йил 15–16 июл кунлари Тошкент шаҳрида бўлиб ўтадиган «Марказий ва Жанубий Осиё: минтақавий боғлиқлик. Таҳдидлар ва имкониятлар» мавзусидаги юқори даражали халқаро конференсиясида ШҲТ делегациясининг иштирокига алоҳида эътибор қаратилди.
