АҚШ газетаси “Оппоғой” бўйича судлашмоқчи: Шаҳзода ухлаб ётган маликадан унинг рухсатисиз бўса олган

 

San Francisco Chronicle газетаси “Оппоғой” мультфильми бўйича жиддий суриштирув олиб боришга киришди. Маликани доимий уйқудан қутқарган шаҳзода зўравонликда айбланиши мумкин.

14 ёшли ''Оппоғой'' ва ''Ака-ука Гриммлар'' эртагининг ўйлаб топилган қаҳрамони АҚШда аёллар ҳуқуқлари учун кураш тимсолига айланиши мумкин.

Американинг San Francisco Chronicle нашри – Сан-Франциско ва Шимолий Калифорнидаги энг катта тиражга эга бўлган кунлик газета.

“Диснейленддаги янги “Оппоғой” аттракциони мўжизани жонлантиради, аммо янги муаммоларни яратади” сарлавҳали мақола муаллифлари Анахаймдаги Диснейленд 400 кунлик карантидан сўнг янгилик қилгани, жумладан у ерда “Сеҳрланган Оппоғойнинг истаги” номли янги аттракцион очилганини ёзмоқда.

Кўнгилочар боғда жонлантирилган айрим саҳналар орасида “муҳаббат бўсаси” саҳнаси ҳам бор. Унда шаҳзода Флориан маликани вафот этган деб ўйлаб сўнгги бор ундан бўса олади, бу эса Оппоғойни ҳаётга қайтаради.

Танқидчиларнинг айтишича, шаҳзоданинг бу ҳаракати ноўрин ва болаларга бошқаларнинг шахсий ҳудудларини ҳурмат қилишни ўргатиш керак.

Газета жиддий оҳангда “асарнинг финалини қайта кўриб чиқишга” чақирмоқда ва эртак ҳамда мультфильмни “ахмоқона бўсасиз” тенг ҳуқуқлар асосида тугатишни таклиф қилди.

Аммо Америка нашри ўгай онанинг маликани ўлдиришга уриниши ва Оппоғойнинг 14 ёшда турмушга чиқиши ҳақида ҳеч нарса демаган.

Шарофат Маҳмудова