Музлатиш мумкин бўлмаган маҳсулотлар эълон қилинди
Музлатиш маҳсулотларни узоқ вақт сақлашнинг самарали йўлидир.
Аммо барча маҳсулотлар ҳам музлаткич камерасида сақланишга мўлжалланмаган. Уларни истеъмол қилиш мумкин, аммо таъми ва фойдали хусусиятлари сақланиб қолмайди.
Баргли кўкатлар
Бозор ёки дўкондан салат барги сотиб олганингизда у барра бўлади. Аммо уни музлаткичда қолдирсангиз у юмшоқ яшил массалага айланиб қолади. Шунинг учун баргли кўкатларни совуткичнинг пастки жавонида, олдиндан яхшилаб қуритилган ҳолда сақлаш керак.
Қовурилган маҳсулотлар
Қовурилган картошка ёки товуқ каби маҳсулотлар ортиб қолса, уларни музлаткичга солманг. Яхшиси, шунчаки совуткичга олиб қўйиб, кун давомида ейишга ҳаракат қилинг. Чунки музлаткичда қовурилган маҳсулотлар юмоқ ва таъмсиз бўлиб қолади.
Сут ва сут маҳсулотлари
Бу маҳсулотларни узоқ муддатга, масалан бир ҳафтага музлатиш мумкин. Аммо уларни эритиб, қайнатганингизда кутилганидек бўлмаслиги мумкин. Кўп ҳоллатда сут маҳсулотлари сув ва қаймоққа ажралиб қолади.
Барра ўтлар
Райҳон, петрушка, укроп каби барра ўтлар ҳам баргли кўкатлар сингари музлаганидан сўнг суюқ, юмшоқ ва таъмсиз бўтқасимон массага айланиши мумкин. Ундан овқат тайёрланишда фойдаланиб бўлмайди. Аммо агар каттароқ йиғинга тайёргарлик кўраётган бўлсангиз ва олдиндан кўкатларни тўғраб музлатиб қўйсангиз бўлади.
Хом картошка
Музлаткичда узоқ вақт сақланган картошка ғадир-будир ва ёқимсиз таъмли бўлиб қолади. Шунинг учун янги картошкани музлатиш тавсия этилмайди. Пюре ёки қайнатилган картошкани қисқа муддатга музлатиш мумкин.
Шарофат Маҳмудова
