Тунда истеъмол қилиш фойдали бўлган маҳсулотлар

Қатиқ, ёғсиз творог ёки йогурт

Тунда 1-2 стакан қатиқ ёки ёғсиз табиий йогурт истеъмол қилиш нафақат очлик ҳиссини енгади, балки ошқозон-ичак трактига фойда келтиради. Қатиқ таркибида С, А, РР, D ва В гуруҳдаги барча витаминлар бор. Қатиқ қонни тозалайди, кислород балансини нормаллаштиради ва ошқозон-ичак трактини микрофлорасини яхшилайди, бунинг устига иммунитетни ҳам мустаҳкамлайди.

Ёғ даражаси пасайтирилган пишлоқ

Пишлоқ таркибида турли витаминлар (A, B1, B2, B12, C, D, E, PP), организмга фойдали кислоталар ва минерал моддаларга бой. Бунинг устига пишлоқ организм томонидан енгил ўзлаштирилади ва ҳазм қилишни яхшилайди. Паст калорияли пишлоқ ва сабзавотлар тунда ажойиб тамадди бўлади.

Бодом

28 грамм бодом таркибида суткалик фосфор миқдорининг 18%, рибофлавиннинг 23%и сақланади. Бодом тўғридан-тўғри уйқу сифатига таъсир ўтказади. Чунки у мелатонин манбаи саналади ва уйқуга тайёрланиш ҳақида сигнал беради. Уйқусизликдан азият чекувчиларга бодом истеъмол қилиш тавсия этилади.

Курка гўшти

Курка гўшти таркибида оқсил миқдори кўп: 28 грамм қовурилган гўшт 8 грамм оқсил сақлайди. Бу модда мушаклар тонусини сақлаш ва иштаҳани мувозанатлаштиришга ёрдам беради. Айримлар курка гўшти истеъмолидан сўнг чарчоқ ёки уйқуга мойиллик сезишади. Чунки унинг таркибида триптофан аминокислотаси бўлиб, у уйқу гормони мелатонин ишлаб чиқарилишини яхшилайди.

Киви

Битта киви 42 ккал сақлайди. Аммо унинг таркибида турли озиқ моддалари, жумладан суткалик С витаминининг 71%и мавжуд. Киви холестерин миқдорини пасайтиради.

Грейпфрут

Грейпфрут озиш учун энг яхши цитрус меваси саналади. Шунингдек, у клетчатка манбаидир. Грейпфрут таркибидаги нарингин моддалар алмашинувини яхшилайди. Грейпфрут уйқузисликдан ҳам яхши даво саналади.

Балиқ