Ғамхўр ота-оналар фарзандларига нималарни олиб беришМАйди?
Сизнинг фарзандларингиз қандай кийимларни ёқтирмайди ва нима учун? Изоҳларда қолдиринг ва мақолани дўстларингизга ҳам улашинг.
1. Декоратив тугмалар ва маржонли кийимлар
Болалар кийимлари декоратив элементларга бой бўлмаслиги керак. Қизиқувчан болалар уларни узиб олиб, оғзига, бурнига ёки қулоғига солиши мумкин. Шунингдек, оддий тугмалар ҳам болага хавф туғдириши мумкин, чунки фабрикада тикилган тугмалар мустаҳкам бўлмайди. Шунинг учун сотиб олаётганингизда ҳар бир тугмага эътибор қаратинг.
2. Узун шарф
Бир қарашда оддий кўринган шарф болага хавф туғдириши мумкин. Майдончада ўйнаётган бола осонгина ўз шарфига ўралиб қолиши мумкин. Бундай ҳолатда кўпинча катталар ёрдамисиз қутулиб чиқиш имконсиз бўлади. Айрим мамлакатларда ота-оналарга болаларни майдончага узун шарф билан олиб келиш тақиқланган.
3. Ёқаси тор свитерлар
Бундай свитерлар универсал ва самаралидир, аммо унинг ҳам минуслари бор. Биринчидан, уни кийиш қийин: бола безовталанади ва асабийлашади. Шунингдек, тор ёқа қон айланишини бузиши натижасида бош оғриғи чақириши мумкин.
4. Нур қайтарувчи элементларсиз тўқ рангли кийимлар
Одатда ота-оналар тўқ рангли кийимларни танлашади, аммо шу билан ўз болаларини хавф остида қолдиришади. Бундай кийимли болани гавжум жойларда йўқотиб қўйиш хавфидан ташқари, қоронқи пайтда ҳайдовчилар йўлдан ўтаётган болани кўрмай қолишлари ҳам мумкин. Боланинг кийимида нур қайтарувчи элементлар қанча кўп бўлса, шунча яхши.
5. Оғир замонавий оёқ кийимлари
Замонавий ва ёрқин оёқ кийимлари оғир ва ноқулай бўлиши мумкин. Айрим ишлаб чиқарувчилар ташқи кўринишни устун билиб, болалар терисининг ўзига хослигига эътибор қаратишмайди. Оғир ва катта кроссовкаларда югуриш ва ўйнаш ноқулай, боланинг ўзи ҳам тез чарчаб қолади. Пошнасиз, текис поябзал таглиги яссиоёқлик ривожланиши хавфини бир неча баробарга ошириши мумкин.
6. Катта қалпоқли ва қуюқ мўйнали курткалар
Куртканинг улкан қалпоқлари кўриш имконини пасайтиради. Бола атрофдаги ҳодисаларга тўғри баҳо бера олмайди, бу айниқса йўлда хавф туғдиради. Бундан ташқари, узун шарфлар сингари қалпоқлар ўйин майдонида хавф туғдириши мумкин.
7. Катталар кийимлари
Бундай кийимлар замонавий урфга мос, аммо бола учун ноқулайлик туғдииши мумкин. Ўта тор ёки кенг кийимлар болаларнинг ҳаракатланишига тўсқинлик қилади.
8. Ортопедик оёқ кийим
Олдин орқа томони қаттиқ, супианторли ва пошнали оёқ кийимларни бола юришни бошлаши билан кийинтириш тавсия қилинган. Бундай ортопедик оёқ кийим баландроқ, қаттиқроқ ва оғирроқ бўлади ва болага ноқулайлик туғдиради. Ҳозир соғлом оёқли болаларга ортопедик оёқ кийим тавсия қилинмайди. Анатомик тузилишли оёқ кийимларни эса ҳар қандай болага кийинтириш мумкин.
9. Тор ва кичик бош кийимлар
Бош кийим аниқ ўлчамларга мос олиниши керак. Жуда катта бош кийим тушиб кетиши ва кўриш қобилиятини пасайтириши мумкин. Торлари эса нозик терини сиқиб, пешонада из қолдириши, ҳатто бош оғриғига сабаб бўлиши мумкин.
Шарофат Маҳмудова
