Биз кузатмаётганимизда ёввойи ҳайвонлар ўзини қандай тутади?
29 ёшли австриялик фотограф Жулиан Рэд ўз фаолиятини ёввойи табиатга бағишлаган. Бир неча йилдан бери у олмахон,қуёнлар, ўрмон сичқонлари оғмахон ва бошқа майда жониворларни табиий яшаш шароитида расмга олади. Унинг Инстаграмдаги саҳифасида 100 мингдан ортиқ кузатувчиси бор.
Унинг асосий фаолияти ёввойи жониворлар ҳаётининг қизиқ лаҳзаларини тасвирга олишга улгуришдир. Жулианнинг сабри ва маҳорати туфайли бу жониворларнинг турли эмоциялари: қизиқувчанлик, нафислик, ҳайрон қолиш ва роҳатланиш ифодаларини кўриш мумкин.
Бугун сизга тайёрлаб қўйган расмлар тўпламини томоша қилиб кундалик ташвишларни бирозга бўлса-да, унутишингизни истадик.
Биз шошиб яшаганимиз туфайли сайёрамизда биздан бошқа жониворлар борлигини унутиб қўямиз. Бу расмларда эса уларнинг қанчалик момиқ нозиклигини кўриш мумкин.
“Ёввойи ҳайвонларни тасвирга олиш доим катта сабр ва кўп вақт талаб этади. Сиз жонивор қачон олдингизга келишини ва умуман у сизга яқинлашадими, йўқми билолмайсиз. Мен 1та тасвир учун саноқсиз соатларимни сарфлаганман. Шуни тушуниб етдимки, ҳайвонларнинг ортидан қувиб юриш эмас, уларнинг ўзи келишини кутиш керак. Табиат тасвири шуниси билан мураккаб: сиз ҳайвонлар турларини билишингиз, сабрли бўлишингиз ва озгина омад керак”, - дейди Жулианнинг ўзи.
БУ суратларга қараб туриб, табиат неъматларидан завқланишни шу митти жониворлардан ўрганишимиз керак, деган фикр пайдо бўлади.
Мақола ёққан бўлса, дўстларингизга ҳам улашинг ва уларнинг кайфияти кўтирилишига ҳисса қўшинг.
Шарофат Маҳмудова
