Ўзбекистонда энг кўп қайси вазирлик ва ташкилотларга ишга киришни хоҳлашган?
Бугунги кунга қадар республиканинг 60 та вазирлик ва идоралари ҳамда 206 та туман (шаҳар) ҳокимликларидаги мавжуд 7 094 та вакант лавозим учун танлов эълон қилиниб, 112 мингдан ортиқ номзодлар иштирок этган.
Ҳар бир бўш ўринга 20-22 номзод тўғри келмоқда. Энг кўп вакант лавозимлар учун танловлар қуйидаги ташкилотларт тизимига тўғри келган:
• Давлат солиқ қўмитаси-1211 та;
• Молия вазирлиги-1053 та;
• Халқ таълими вазирлиги-962 та;
• Қишлоқ хўжалиги вазирлиги-703 та
Ишга қабул қилинганларнинг 734 нафари (38%) — 30 ёшгача бўлган кадрлар, 298 нафари (15%) давлат хизматига биринчи марта қабул қилинганлар ташкил этади.
Бу ҳақда АОКАда бўлиб ўтган Давлат хизматини ривожлантириш агентлиги иштирокида матбуот анжуманида айтилди. Унда республика вазирлик ва идораларига ишга қабул қилиш жараёнлари ҳақида маълумот берилди.
