Экспорт фаолиятини молиявий қўллаб -қувватлаш янада кучайтирилади
Президент Шавкат Мирзиёев 13 июль куни “Экспорт фаолиятини янада кучайтириш тўғрисида” қарорни имзолади.
Қарорда айтилишича, Экспортни қўллаб-қувватлаш жамғармасига 5 йил муддатга 1 фоиз ставкасида Тикланиш ва тараққиёт жамғармаси томонидан 100 миллион АҚШ доллари миқдорида маблағ ажратилади.
Шунингдек, йил якунига қадар Экспортни кўллаб-қувватлаш жамғармаси ва маҳаллий тижорат банкларига экспортолди молиялаштириш учун 200 миллион АҚШ доллари жалб қилишга топшириқ берилган. Бу маблағлар халқаро молия институтлари, хорижий ҳукумат молия ташкилотлари, хорижий банклар ва молия компанияларидан жалб қилиш белгиланган.
