Помидор ва пишлоқ қўшиб бақлажондан ажойиб таом тайёрлаймиз
Ушбу таом нафақат дастурхонни безайди, балки оила аъзоларга ҳам манзур келиши шубҳасиз.
Керакли маҳсулотлар:
- бақлажон – 2 дона;
- помидор – 3-4 дона;
- пишлоқ – 150 грамм;
- ўсимлик ёғи – 1 ош қошиқ;
- туз.
Тайёрланиш жараёни:
- Бақлажонлар узунасига кесиб олинади.
- Туз сепилиб, 30 дақиқадан сўнг ювилади ва қуритиб олинади.
- Помидор ва пишлоқ ингичка шаклда кесиб олинади ва бақлажон қатламлари орасига жойлаштирилади.
- Сўнгра ёғланган қолипга бақлажонлар солиниб, печда 180 даражада ярим соат давомида пиширилади.
- Таом тайёр бўлгач кўкат ва райҳон билан безатилади.
Ёқимли иштаҳа!
