Коронавирус пандемиясига бағишланган фотосурат World Press Photo томонидан энг яхши деб топилди

 

 

Халқаро танлов ғолиби пайшанба куни тадбир ташкилотчилари томонидан онлайн маросим пайтида эълон қилинди .

 

Ўтган йилнинг август ойи бошида олинган «Биринчи қучоқ» деб номланган расмда 85 ёшли Роузни Сан-Паулу шаҳридаги қариялар уйида ҳамшира қучоқлаши тасвирланган.

 

Бу сўнгги беш ой ичида Розанинг биринчи қучоғидир. Коронавирус пандемияси туфайли Бразилияда барча қариялар уйи март ойида ташриф буюрувчилар учун эшикларини ёпган  ва ходимлар энг заиф қатлам билан жисмоний алоқани минимал даражада ушлаб туришлари керак эди. Бироқ, айнан шу қариялар уйида улар бу муаммони ҳал қилиш йўлини топиб,  уни қучоқ пардаси деб номлашди. Асосан енгли пластик ўраш, бу кекса одамларга яна яқинлари билан қучоқлашишга имкон берди ва тезда бутун дунёда машҳурликка эришди.

 

«Ушбу рамзий фотосурат бизнинг ҳаётимиздаги энг ғайриоддий дақиқани давом эттиради, - деди фотограф ва ҳайъат аъзоси Кевин Ли. - Мен бу ерда заифлик, севги, йўқотиш, ажралиш ва ўлим, энг муҳими, омон қолиш истагини кўраман. Ва буларнинг барчаси битта зарбда. Ва агар сиз фотосуратни етарлича узоқроқ кўрсангиз, қанотларни кўришингиз мумкин: парвоз ва умид рамзи бўлган қанотларни. »

 

World Press Photo 1955 йилдан бошланган энг нуфузли халқаро фотография танлови. Унинг мақсади фотожурналистика ва ҳужжатли фотосуратларда юқори талабларни сақлаш ва ривожлантиришдир. Бу йилги танлов давомида ҳакамлар ҳайъати аъзолари дунёдаги 4,3 минг фотограф томонидан олинган 74,5 минг фотосуратни томоша қилишди. Фотосурат танлови ғолиблари қаторига 28 мамлакатдан 45 фотограф кирди. Уларнинг фотосуратлари 17 апрель куни Амстердамда очиладиган ва дунёнинг 100 дан ортиқ шаҳарларида кузатиладиган  Word Press Photo кўргазмасига асос бўлиб хизмат қилади.

Озода Чориева