Олимпия ўйинларида дзюдо баҳслари учун қуръа ташлаш маросими бўлиб ўтди
Токио-2020 Олимпия ўйинларида дзюдо баҳслари учун қуръа ташлаш маросими бўлиб ўтди. Бу ҳақда Миллий Олимпия қўмитаси хабар берди.
Бироз олдин ҳамюртимиз Денис Истоминнинг рақиби ҳақида ҳам хабар бергандик.
Унга кўра, ўзбекистонлик спортчилар мусобақада қуйидаги рақибларига қарши курашади:
-60 килограмм: Шарофиддин Лутфиллаев — Артём Лециук (Украина) / Хосе Рамов (Гватемала);
-66 килограмм: Сардор Нуриллаев — Денис Виеру (Молдова);
-73 килограмм: Ҳикматиллоҳ Тўраев — Игор Вантдеке (Германия);
-81 килограмм: Шарофиддин Болтабоев — Уго Кумбо (Ванатау);
-90 килограмм: Давлат Бобонов — Николас Мунгаи (Италия);
-100 килограмм: Муҳаммадкарим Хуррамов — Бенжамин Флетчер (Ирландия);
+100 килограмм: Бекмурод Олтибоев — Дуренбаяр Улзибаяр (Мўғилистон);
-52 килограмм: Диёра Келдиёрова — Сосорбарам Лхагвасурен (Мўғулистон);
-63 килограмм: Фарангиз Хожиева — Сандрин Биллет (Кабо-Верде);
-70 килограмм: Гулноза Матниязова — Демос Мемнелоум (Чад).
Эслатиб ўтамиз, дзюдо беллашувлари 24 июль куни эркаклар ўртасидаги -60 килограмм, аёллар ўртасидаги -48 килограмм вазн тоифалари билан бошланади. Аввалроқ, олимпияда ўйинларида Гвинея терма жамоасининг коронавирус сабаб мусобақада иштирок этишдан бош тортгани ҳақида хабар берган эдик.
