Мен 4 ёшимда номусимдан ажраганман, мен бунга лойиқ эмас эдим

 

 

У ўз отасига алимент тўлашни истамайди. Қизнинг айтишича, отаси уларни уйдан ҳайдаб солган вақтда, Ҳакима онасининг қорнида эди.

 

–Ота-онам мен дунё келмасдан ажрашиб кетишган. Онам 3 та фарзанди билан отасининг уйига қайтиб келган. 6 ойдан сўнг мен 4 чи фарзанд бўлиб туғилганман.

 

26 йилдан бери юрагимда сақлаб келаётган аламли дардим бор. Шуни бугун сизларга айтмоқчиман. Лекин Онам мени эслай олмайди деб ўйлайди. Аммо ҳаммаси ёдимда. Отамдан сўнг онамни 17 йилга қамалиб чиққан Араббой исмли эркакка мажбурлаб турмушга беришди.

 

Улар алоҳида яшашни бошлашди. Мен эса янги дадамнинг ота-онасини уйига яшаш учун юборишди. У ерда роса иш қилдиришарди. Қаҳратон қишни кунида қудуққа тушириб идиш ювишга мажбур қилишарди. Мен қийналардим. Онам мени кўргиси келарди. Олиб кетиш учун келса ўгай дадамнинг отаси мени уйдан олиб қочиб кетарди. Онам билан кетишга рухсат бермасди. Чунки ўғли ёмон эканлигини биларди. Яна бирор нарса қилиб қўймасин диб мени бермади.

 

Нега сизни онангиз билан кетишга рухсат беришмади?

 

-Чунки ўгай отам мастликда мени 4 ёшимда номусимни булғаган эди. Мени хароб қилганини ҳамма биларди. Бу ишларни барида онамни айби йўқ, 4 та болани боқаман деб не куйларга тушмади шўрлик. Бу ишларни ўша вақт бости-бости қилиб юборишган. Сабаби ўгай бу иш билан яна қамалса бу сафар аниқ у ердан чиқмасди. Мени 4 ёшимда ақлим йўқ эди. Кимга нима дейишни, атрофимда нима бўлганини ҳам тушунмасдим . Хушим ўзимда эмас эди. Шундан сўнг ўгай отамнинг отаси ўзи билан олиб кетган.

 

Онангиз шунча гаплардан кейин яна ўша одам билан яшаб кетдими?

 

-Ҳа, 4 та бола билан қаерга ҳам борсин. Яшаш жойимиз бўлмагандан сўнг.

 

-Ҳозирда нима иш қиласиз, турмушга чиқдингизми?

 

Йўқ турмушга чиқмадим, чунки мени яна иккинчи бор ҳам зўрлашди. Мен у одам ким эканлигини айтмайман. Ўзимизни қишлоқдан эди. Мени Қозоғистонга иш топиб бераман деб олиб кетган. Ўша ерда мени зўрлаган. Шундан сўнг 2019 йил 16 май куни мен ўзимни осганман. Афсуски қутқариб қолишган.

 

Шундан кейин қайтиб келиб ёмон йўлга юриб кетдим. Ўзимни танамни сотдим. Ахир яшашим керакку. Укам ўз йўлини топиб кетди опам ва мен онамнинг қарамоғидамиз. Онамнинг пенсияси бизга етмайди. Шу сабаб енгил ҳаётни танладим.

-Яқинларингиз сизни шу йўлга кирганингизни билишадими?

-Ҳа, билишади. 

-Бирор ишга киришга ҳалол пул топиб ҳаётингизни яна изга солиш ҳақида ўйлаб кўрдингизми?

-Ҳа ўйлаб кўрдим, лекин ҳозирда тузукроқ иш тополмаяпман. Агар менга ёрдам беришса, яхши ойлик  берадиган иш билан таъминлашса албатта бу ишни йиғиштираман ва тўғри йўлга юраман. Ишонинг кўп жойларга бордим иш излаб  аммо мени ишга олишмади.  

Ўзингизни ҳақиқий отангиз билан боғланиб ёрдам сўраб  кўрдингизми?

-Йўқ, лекин шу йилнинг март ойида дадам бизни алиментга бергани ҳақида суддан қоғоз келди. Мени алимент тўлаш  истагим йўқ. Мен учун нима қилдики мен тўлашим  керак. Ахир ота меҳрисиз катта бўлганман. Онам ўша вақт уй ҳам талаб қилмади, индамай чиқиб кетавердик.Мен ҳозир ёмон йўлга кирдим. Агар ўша вақт бизларни кўчага ҳайдаб солмаганида, яхши тарбия бериб катта қилганида балки  шу ҳолатлар бўлмасмиди?!   

Суръат Қобилов Ҳакиманинг отаси

-Болалик пайтида сиз онасини 4 та фарзанд билан уйдан чиқариб юборгансиз, боқмагансиз хабар олмагансиз, алимент тўламагансиз. Ҳозир ёшингиз бир жойга бориб қолганида энди фарзандларингиздан  алимент талаб  қиляпсиз... 

-Мен доимий алимент тўлаб келганман. Балки булар билишмас. Онасидан сўрасин. Мени онаси алиментга берган. Почтадан юборганим ҳақида квитанциялари ҳам бор. Ҳозир соғлиғим яхши эмас. Даволанишим керак. Бунинг учун эса пул керак. Сабаб шу.

-Фарзандларингизни неча ёшигача алимент тўладингиз?

-15-16 ёшгача тўлаганман.

-Сиз ота бўлиб тўлган алиментингиздан бошқа яна нима қилдингиз? 

Мен саволларингизга жавоб бермайман, лекин мен алиментни барибир талаб қиламан.  Чунки мен отасиман.
Биз Ҳакимга бундан буёғига ўзҳаётини яхшилашга ҳаракат қилиш кераклигин тушунтирдик психолог  билан учраштирдик. Унга жамоамиз ёрдамида иш ҳам топиб бердик. Энди Ҳакима ҳаётидаги ёмон кунларни хотирасидан ўчириб фақат келажакдаги яхши мақсадлар учун яшайди.

Мақоламизни  унинг сўнги дилдаги гапи билан якунлашга қарор қилдик.

-Ажрашаётган оилаларга  битта гапим бор. Ажрашишдан аввал фарзандларингизни келажагини ўйлаб кўринг. Она барибир отанинг, ота эса онанинг ўрнини босолмайди. Улар мени холимга тушиб хор бўлишини истамайман. Қадрли аёллар ва эркаклар агар сизнинг оилангиз дарз кетаётган бўлса  ўзингиз учун эмас болаларингиз учун оилани сақлаб қолинг. Мана шу гапларимни ҳозир фарзандларингиз айтаётгандек қабул қилинг!

Муножат Валиева