Жо Байден штатлар ҳокимиятларини коронавирусга қарши вакцина олганларга 100 доллардан тўлашга чақирди
АҚШ президенти Жо Байден штатлар ҳокимиятларини яқинда коронавирусга қарши вакцина олган шахсларга 100 доллардан тўлашга чақирди.
У бунинг учун “Американи қутқариш режаси”дан маблағ олишни таклиф қилди. Бу ҳақда The Hill АҚШ молия вазирлигига таяниб хабар қилмоқда.
Молия вазирлиги маълумотига кўра, тўлов фақат яқиндагина эмланган америкаликларга “қўшимча рағбат” сифатида амалга оширилади. Бу қадамдан кўзланган мақсад - “жамиятни қутқаришда вакцинация даражасини ошириш ва одамларнинг ҳаётини сақлаб қолиш”.
Олдинроқ Нью-Йорк шаҳри аҳолиси 30 июлдан бошлаб коронавирусга қарши эмлаш учун 100 АҚШ доллар олиши ҳақида хабар қилган эдик.
Шарофат Маҳмудова
