51 минг дона хорижий сим карталар айланмасига чек қўйилди
Қорақалпоғистон Республикаси божхона бошқармаси “Даут-ота” чегара божхона постига қўшни давлатдан кириб келган фуқаро Х.Ш. бошқарувидаги “MAN” русумли юк автотранспорт воситаси ўрнатилган тартибда божхона назоратидан ўтказилди.
Натижада, автотранспорт воситаси юкхонасида йўл-юк ҳужжатларида кўрсатилмаган, умумий қиймати 102 миллион сўмлик 51 минг дона уяли алоқа хорижий сим карталарни ҳеч қандай ҳужжатларсиз олиб келаётганлиги аниқланди. Бу ҳақида Божхона қўмитаси расмий сайти хабар бермоқда.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.
