Ўзбекистонга ZF-UZ-VAC вакцинасининг яна 1 миллион доза партияси етиб келди
Шу кунгача юритимизга мазкур вакцинанинг 8,5 млн дозаси олиб келинган эди.
Эртага, 6 август куни яна 1 миллион дозаси келтирилиб, жами олиб келинган дозалар сони 10,5 млн.га етади.
29 июль куни президент Шавкат Мирзиёев Олмалиқ шаҳрига ташрифи чоғида «Jurabek Laboratories» МЧЖ қўшма корхонасида «COVID-19» га қарши вакцина ишлаб чиқариш жараёнлари билан танишиш асносида Ўзбекистонга яна 17,9 млн доза вакцина етиб келиши кутилаётгани ҳақида хабар берилди:
Moderna — 3 млн доза;
Pfizer/Bio N Tech — 1,2 млн доза;
ZF-UZ-VAC-2001 — 12 млн доза
Спутник V — 1,7 млн доза.
Демак, бугунги ва эртанги партияларни ҳисобга олсак, Ўзбекистонга яна 10 миллион доза ZF-UZ-VAC2001 вакцинаси келтирилади.
Эслатиб ўтамиз, аввалроқ “Sputnik V” вакцинасининг иккинчи компонентлари келтирилиши ҳақида ҳам хабар бергандик.
