Помпеога совға қилинган 5800 АҚШ долларлик виски қаерга йўқолди?
Маълумотларга кўра, вискини Помпеога 2019 йилда Япония ҳукумати совға қилган. Шунингдек, унда “номаълум фармойиш” белгиси бўлган.
Амалдаги қонунларга кўра, Америкалик мансабдор шахс ва давлат арбоблари баҳоси 390 доллардан ошган совға олиши мумкин эмас. Нархи агар ундан ошса, чўнтагидан ғазнага пул ўтказиш билан сотиб олиши ёки уни Миллий архивга топшириши керак бўлади.
Помпеонинг вискини ўзлаштиргани ҳақидаги миш-мишлар тарқалганидан сўнг унинг адвокати матбуотда чиқиш қилди. У мижози виски ҳақида ҳеч нарса билмаслиги, бу совғани умуман эслолмаслигини айтган.
Собиқ давлат котибининг ўзи ҳам Америка телеканалларидан бирига берган интервьюсида совғанинг йўқолиши АҚШнинг ҳозирги ташқи ишлар идораси жамоасининг айби эканига шаъма қилган.
“Агар бу бир қути диетик кола бўлганида эди, мен уни жон деб қабул қилган бўлардим”, - деган Помпео ва совғани излашга тайёрлигини билдирган.
Шарофат Маҳмудова
