Улуғ адибга аталган фильм
Кинематография агентлиги томонидан И.Каримов номидаги Тошкент давлат техника университети, “Cinerama entertainment” студияси билан ҳамкорликда ўзбек романчилиги асосчиси Абдулла Қодирий ҳаёти ва ижоди ҳақида ҳужжатли фильм суратга олинди.
Агентлик ахборот хизмати маълумотига кўра, мазкур фильм давлатимиз раҳбарининг 2020 йил Адиблар хиёбонига ташрифи давомида берилган топшириқлари юзасидан "Халқ юраги" туркуми остида тайёрланди.
Фильм сценарий муаллифлари Фаррух Жабборов, Иқбол Қўшшаева ва Умид Хамдамов, постановкачи режиссёр Умид Ҳамдамов, операторлар Жаҳонгир Ибрагимов, Жаҳонгир Абдураҳмонов, иккинчи режиссёр Шаҳноза Сирожиддинова, продюсер Анвар Мадраимов, постановкачи рассом ва либосчи Анастасия Сущук, гримёр Галина Иванова.
