"Сўнгги беш кунда 87 149 нафар аҳоли коронавирусга қарши тўлиқ эмланган" — ССВ
ССВ сўнгги беш кунликда неча киши вакцина қабул қилганини маълум қилди.
"Юртимизда сўнгги кунларда вакцинация жараёнлари ҳар қачонгидан ҳам самарали давом этаётгани кўринмоқда. Бу эса халқимизнинг эмлаш борасидаги қарашлари ижобий томонга ўзгараётганини, ўзининг ва яқинларининг соғлигига жиддий қараётганини билдиради" — дейилади вазирлик хабарида.
Жумладан,
Сўнгги 5 кунда юртимиздаги эмлаш пунктларида 1 544 882 доза вакцина қўлланилди.
Уларнинг 1 215 076 дозаси билан биринчи марта вакцина олган фуқаролар эмланди.
Жорий йилнинг 2-6 август кунларида қўлланган вакциналарнинг:
8 886 дозаси “Sputnik V”,
804 029 дозаси ZF-UZ-VAC2001,
731 967 дозаси Moderna вакцинасидир.
Шу кунлар оралиғида 87 149 нафар аҳоли коронавирусга қарши тўлиқ эмланган.
