Ўзбекистонда исталган фуқаро UZB, ААА сериали авторақамларни аукцион орқали сотиб олиши мумкинлиги айтилди
Ўзбекистонда энди исталган фуқаро аукционда UZB, ААА сериали авторақамларни сотиб олиши мумкин, дея маълум қилди ЙҲХББ бошлиғи Олимжон Саидов.
«Вазирлар Маҳкамасининг тегишли қарорига асосан, автомобиллар учун 327 жуфт давлат рақамлари белгиси олти тоифага ажратилиб, аукцион орқали сотиш йўлга қўйилди. Бу орқали давлат рақамлари билан боғлиқ коррупцион омилларга барҳам берилди.
UZB ёки ААА каби сериали давлат автомобиль рақамлари бирор-бир ташкилот ёки муайян шахсларга бириктирилмаган. Ушбу давлат рақамлари очиқ савдода бўлган давлат рақам белгилари ҳисобланади. Масалан, ААА серияли давлат рақамлари 2017 йилдан буён 36 миллион сўмга сотиляпти, ҳозирда 50 дона рақам қолган, бемалол мурожаат қилиш мумкин.
UZB сериали рақамларни ҳам худди шундай тартибда исталган фуқаро харид қилиши мумкин», — деди Саидов.
