Дунёдаги энг қиммат бургердан таътиб кўрармидингиз?
Кундалик ҳаётимизда вақтдан унумли фойдаланиш мақсадида йўл-йўлакай тезпишар таомларни истеъмол қилишга одатланганмиз. Айниқса, “fastfood”лар тўйимлилиги ва тез тайёр бўлиши билан кўпчиликка бирдек манзур бўлади. Уларнинг тури кўп. Шунингдек, ҳажми ва нархи ҳам ҳар хил.
Дунёдаги энг қиммат бургер Нидерландиядаги “de Daltons” ресторанида тайёрланади. Унинг оғирлиги 352 килограмм, нархи 5 минг евро. Бургерни бир киши ея олмайди.
Таом таркибида ўрдак тухумидан тайёрланган майонез, оқ труффле, помидор, бодринг, чеддер пишлоғи, экзотик кофе қўшилган барбекю соуси, қирол қисқичбақаси гўшти, белуха икраси ва бошқа қиммат маҳсулотлар бор. “Golden Boy” деб номланган бургер асл олтин кукуни билан қопланган.
Ресторанга келиб, бу таомни буюртма қилган мижозларга бир шиша “Dom Perignon” шампан виноси қўшиб берилади. Унга камида икки ҳафта аввал буюртма бериб қўйиш ва олдиндан 750 евро тўлаш талаб этилади.
Озода Чориева тайёрлади.
