АҚШнинг Афғонистондаги энг маҳфий базасида маҳбуслар қандай қийноққа солингани маълум бўлди
База АҚШ марказий разведка бошқармаси (МРБ)га тегишли бўлган. У Кобул яқинида жойлашган.
Тhe New York Times газетаси журналистлари АҚШнинг Афғонистондаги
энг маҳфий базаси ҳақида маълумот берди.
Базадан тайёрлов маркази, шунингдек қамоқхона сифатида фойдаланилган. Мазкур жой “Тузли ўра” номини олган.
Расмий маълумотларда база ҳақида ҳеч қандай гап йўқ, аммо сунъий йўлдош тасвирлари унинг бўлганлигини тасдиқлайди.
Марказнинг қурилиши 2002-2004 йиллар оралиғида бошланган.
Манбада сўз юритилишича, АҚШда 2001 йил 11 сентябрь терактларидан кейин терговда қийноқ методларига кўз юмилиши кузатилган. Ҳукуматнинг “Тузли ўра” ҳақидаги ҳисоботида, базада сақланган маҳбуслар билан шавқатсиз муносабатда бўлинганлиги ва қийноқлар қўлланилганлиги қайд этилган. Хусусан бу ерда, тор камераларда сақлаш, уйқудан маҳрум қилиш ва сув воситасида қийнашга руҳсат берилган. 2002 йилдан 2005 йилгача ўрада терроризмда гумонланган 100 дан ортиқ киши ҳалок бўлгани эҳтимолдан ҳоли эмас.
Журналистларнинг фикрича, ҳарбийлар, толиблар, маҳбуслар қай ҳолатда сақланганини кўрмаслиги учун базани йўқ қилган бўлишлари мумкин. Шунингдек, бу ерда афғон махсус хизматлари аъзолари тайёрланган.
