АҚШда "Ида" бўрони қурбонлари сони 71 кишига етди

 

 

 Луизианада 15 киши фалокат қурбонига айланди. Соғлиқни сақлаш давлат департаменти Сент-Таммани округида бўрон оқибатида яна иккита ўлим ҳолатини тасдиқлади. 68 ёшли эркак вайрон бўлган уйи томини тиклаётганда  йиқилиб тушди, 71 ёшли бемор электр узилиши пайтида кислород етишмаслиги туфайли вафот этди.

 

Шимоли-шарқда камида 52 киши ҳалок бўлган. Ўтган ҳафта Нью-Йоркда ҳуқуқ-тартибот идоралари ходимлари сув тошқини пайтида йўқолган аёл жасадини топди.

 

АҚШ Миллий об-ҳаво хизмати Луизиана штатида янги ёғингарчилик ҳақида огоҳлантирмоқда, бу эса сув тошқинларига олиб келади.

 

Шунингдек, Нью-Орлеанда бўрондан кейин оммавий талончилик бошланган. 40 га яқин одам ўғирлик учун ҳибсга олинган. Турли жиноятлар учун жами 55 киши ушланди.

 

Аввалроқ “Генри” тропик тўфони туфайли АҚШ шарқида 97 минг хонадон электрсиз қолгани ҳамда АҚШнинг Луизиана штатига даҳшатли тўфон кириб келгани ҳақида хабар берилганди.

 

 

Насиба Тўхтаева