Москва метросида ўзбек ва тожик тилидаги ёзувлар пайдо бўлди
Москва метро бекатларидан бирида тожик ва ўзбек тилларида ёзувлар пайдо бўлди. Бу ҳақда «РБК» хабар бермоқда.
Маълум қилинишича, тожик тилидаги ёзувлар кирилл, ўзбек тилидагилар эса лотин алифбосида кўрсатилган.
Қайд этилишича, ҳозирча бу тажриба тариқасида фақат Чертаново Южное туманидаги «Лесопарковая» бекатида жорий қилинган. «РИА Новости»нинг ёзишича, бу бежиз эмас, чунки мазкур бекатдан миграция марказига автобуслар қатнайди.
Метрополитеннинг ўзи уларнинг вазифаси метрони турли йўловчилар учун қулай ва тушунарли қилишдан иборат эканлигини таъкидлаган. Хусусан, вагонлардаги электрон таблолардаги гаплар 9 тилда кўрсатилади.
