Шавкат Мирзиёев ва Владимир Путин долзарб масалаларни муҳокама қилди
14 сентябрь куни Ўзбекистон Республикаси Президенти Шавкат Мирзиёевнинг Россия Федерацияси Президенти Владимир Путин билан телефон орқали мулоқоти бўлиб ўтди.
Президент матбуот хизмати хабарига кўра, Ўзбекистон билан Россия ўртасидаги кўп қиррали ҳамкорлик ва стратегик шериклик муносабатларини янада мустаҳкамлашнинг долзарб масалалари муҳокама қилинди. Афғонистонда вужудга келаётган вазиятни ҳисобга олган ҳолда минтақа кун тартибидаги масалалар юзасидан фикр алмашилди.
Шунингдек, Президентлар бўлажак олий даражадаги учрашувлар режасини кўриб чиқдилар, дейилади хабарда.
Аввалроқ, Ўзбекистон ва Қозоғистон Президентлари телефон орқали мулоқот қилгани ҳақида хабар берилганди.
