Левандовски янги рекорд ўрнатди
«Бавария» ҳужумчиси Роберт Левандовски Бундеслига 5-туридан ўрин олган «Бохум»га қарши ўйинда тўп киритди.
Натижада польшалик футболчи чемпионат доирасида қаторасига 13 та уй ўйинида гол уриб, рекорд ўрнатди.
Бунгача Левандовски Бундеслигада кетма-кет 12 та уй ўйинида гол урган Герд Мюллер ва Юпп Ҳайнкес билан бир хил натижа қайд этаётган эди.
Маълумот учун: ҳужумчи бу мавсумда Германия чемпионатидан ўрин олган 5 та ўйинда рақиблар дарвозасига 7 та тўп киритди ва тўпурарлар рўйхатини бошқариб бормоқда.
