Франция камбағал мамлакатларга 120 миллион дозага яқин вакцина етказиб бермоқчи
Франция Президенти Эммануэл Макрон Париж камбағал мамлакатлар, шу жумладан, Африкага коронавирусга қарши вакциналар етказиб беришни икки баравар оширишга тайёрлигини айтди.
Унинг айтишича, Франция 120 миллион дозага яқин вакцина етказиб бермоқчи, бу аввал режалаштирилганидан икки баравар кўп. Эммануэл Макрон бошқа қитъалар, хусусан, Африкада эмланиш даражаси нисбатан пастлигини адолатсизлик, деб атади.
Макроннинг айтишича, Африка аҳолисининг атиги 3 фоизи CОВИД-19 га қарши эмланган.
Бундан аввал Жаҳон соғлиқни сақлаш ташкилоти ривожланган мамлакатларга коронавирусга қарши вакциналарнинг дунё миқёсида нотекис тақсимлангани учун танбеҳ берган эди.
Эслатиб ўтамиз, ЖССТ CОВИД -booster вакцинаси ҳақидаги фикрини ўзгартирди. Ташкилот энди учинчи доза билан эмлашни режалаштираётган давлатларни айбламайди. Бундай эмлаш фақат зарурат туғилган одамлар учун керак. Илгари ЖССТ учинчи дозани қўллашни ноўрин, деб ҳисоблаганди.
Насиба Тўхтаева
