Афғонистоннинг Жалолобод шаҳрида яна отишма содир бўлди
Бу ҳақда "ТАСС" "Afghanistan International" газетаси маълумотларига таяниб маълум қилди
Отишма оқибатида энг камида 5 киши ҳалок бўлгани айтилмоқда. Унинг сабаби маълум қилинмаган. Қайд этилишича, бир гуруҳ номаълум шахслар Жалолобод туманларидан бирида отишма уюштирган. Ҳодиса ҳақида батафсил маълумот берилмаган.
Маълумот ўрнида: Жалолобод Афғонистон шимоли-шарқида жойлашган Нангарҳор вилояти маркази ҳисобланади. Вилоят Покистон билан чегарага яқин. Шаҳар Афғонистон марказига товарлар етказиб берувчи асосий "дарвоза"лардан бири. Бу ерда сўнгги кунларда турли терактлар юз бермоқда. Хусусан, 25 сентябрь куни шаҳарда портлаш содир бўлган. Уни ИШИД уюштирганлиги маълум қилинган.
Бундан аввал Туркманистон Президенти Афғонистонда қайси омил барқарорликни таъминлаши ҳақида айтиб ўтганди. Шунингдек, ИШИД толибларнинг 17 нафар аскарини ўлдиргани хабар қилинган эди.
Жаҳонгир Қўзиев
