Олтиариқда фуқаронинг “Nexia 3” русумли автоулови хатланди
Фуқаро кредит олиб, тўловларни ўз вақтида қайтармагани учун машинаси хатланди. Бу ҳақда Мажбурий ижро бюроси хабар тарқатган.
Унда айтилишича, олтиариқлик фуқаро С.М. "Агробанк" туман филиалидан 35 миллион сўм кредит олиб, тўловларни ўз вақтида амалга оширмаган. Бу эса ишнинг судга оширилишига сабаб бўлган.
Суд 35 миллион сўм кредитни қарздордан ундириш билан бирга 1,5 миллион сўм давлат божини ҳам тўлаш мажбуриятини юклаган.
Қарздор белгиланган талабларни бажармагач, мажбурий ижро жараёнида қарздорга тегишли "Nexia 3" автомашинаси хатлаб қўйилди.
Бундан аввал қарздорнинг “Trailblazer” автомашинаси, шунингдек, Бухорода қарздорларнинг машинаси хатлангани ҳамда МИБ томонидан 742 минг 476 та ижро ҳужжатининг муддати бузилган ҳолда ижро этилгани ҳақида хабар берилганди.
Оламгир Абдиев
