Ўзбекистондаги энг баланд нуқтада жойлашган сайлов участкасини биласизми?
Ўзбекистонда президентлик сайловларига саноқли кунлар қолди.
Маълумки, Ўзбекистоннинг энг баланд нуқтаси — Ҳазрати Султон чўққисидир. У жой денгиз сатҳидан 4646 метр баландликда жойлашган. Мазкур ҳудудга яқин аҳоли яшаш пункти Шаҳрисабз туманидаги Кўл қишлоғи бўлиб, қишлоқ ва чўққи ўртасидаги масофа 18 километрни ташкил қилади.
Қишлоқ мутахассислар томонидан денгиз сатҳидан қарийб 2400 метр баландликда деб эътироф этилади.
Бу ерда 765 нафар аҳоли истиқомат қилади. Улар шу қишлоқда жойлашган 64-мактаб биносида ташкил қилинган 920-сайлов участкасида овоз беришда иштирок этади. Сайловчиларнинг 27 нафари сайловда илк марта қатнашаётган ёшлардан иборат.
Эслатиб ўтамиз, бундан аввал Ўзбекистонда коронавирусдан даволанаётганлар Президент сайловида қандай иштирок этиши маълум қилинганди.
Чўлпоной Аҳмедова
