Диетологлар озиш учун гўштдан воз кечиш танада қандай ўзгаришларга олиб келишини маълум қилди
Кундалик ҳаётимизда деярли ҳар куни гўштли таомлар истеъмол қиламиз. Баъзан ортиқча вазн тўпламаслик учун нондан воз кечганимиз каби гўшт ва гўштли таомларни ҳам ўзимиз учун тақиқлаймиз. Аслида-чи? Бу ҳаракатларимиз саломатлигимизга қай даражада таъсир қилади?
Мутахассисларнинг фикрича, бир киши йил давомида 39,5 килограмм гўшт истеъмол қилиши керак. Бундан ташқари, жисмоний саломатликнинг 50 фоизи одамнинг ҳаёт тарзига боғлиқ, яъни у овқатланиш тартибини ҳам ўз ичига олади.
Диетологлар гўшт маҳсулотларидан воз кечганда танадаги ўзгаришлар ҳақида қуйидаги фикрга келди:
"Буларнинг барчаси гормонал бузилишларга олиб келади. Сочлар, милклар, суяклар, репродуктив функция зарарланади. Гўштдаги оқсил миқдори инсон танаси учун ниҳоятда фойдали, ундан қочиш эса анемия (оққон) ривожланиш хавфини оширади. Агар гўшт маҳсулоти рациондан чиқариб ташланса, унинг ўрнига турли ўсимлик, кўкат, салатлар истеъмоли барибир гўшт оқсилининг ўрнини боса олмайди ”.
Шунингдек, мутахассисларнинг қўшимча қилишича, гўштдан воз кечган одамлар кўп қаҳва ва чой ичмаслиги керак. Иккала ичимлик ҳам темир моддасининг сўрилишига халақит бериши мумкин. Бу жараённи нормаллаштириш учун “аскорбин” кислотаси бўлган овқатларни истеъмол қилиш зарур.
Эслатиб ўтамиз, бундан аввал тиниқиб ухлашга ёрдам берадиган 13 маҳсулотнинг орасида гўшт ҳам борлиги ҳақида хабар берилганди.
Чўлпоной Аҳмедова
