"Янги Ўзбекистон  сайловлари — ёшлар нигоҳида"

 

Қайд этиш жоизки, мамлакатимиз ҳаётидаги муҳим сиёсий воқеа — Президент сайловига хориждаги  ёшларимиз ҳам бефарқ эмас.  Ўзбекистон Республикаси Президенти сайловига тайёргарлик кўриш ва уни ўтказиш билан боғлиқ ишлар хорижда ҳам Сайлов кодексига амал қилган ҳолда тизимли равишда олиб борилмоқда. Энг муҳими, ўзбекистонликлар учун хорижда туриб ҳам овоз бериш имконияти яратилди. Улар қаерда бўлишидан қатъий назар, энг аввало, Ўзбекистон фуқароси: биз сингари ҳақ-ҳуқуқларга эга.

 

Салоҳиддин Мансурхўжаев,  Ўзбекистон ёшлари   умумжаҳон ассоциациясининг Малайзиядаги  вакили:

— Малайзияда вақтинчалик яшаётган ва ўқиётган ўзбекистонлик  ёшлар  томонидан ижтмоий тармоқларда  сайловга оид флешмоб ўтказилди. Унда нафақат Малайзияда,  балки  жанубий   шарқий Осиёнинг бошқа мамлакатларида  яшовчи  ўзбекистонлик ёшлар ҳам қамраб  олинди. Тарғибот  ишлари давомида ўзбекистонлик барча ёшлар бирлашди, десак адашмаймиз. 

 

Эргаш Жумаев, Ўзбекистон ёшлари  умумжаҳон ассоциациясининг Туркиядаги  вакили:

— Таълим олаётган талабалар билан   Туркиянинг бир қанча вилоятларида  Президент сайловининг аҳамияти хусусида тарғибот-ташвиқот ишларини олиб бордик. Яқинда Туркияда муддатидан аввал овоз бериш жараёни бўлиб ўтди.  Туркияда ўқиётган ва меҳнат қилаётган ёшлар масъулиятни ҳис қилган холда б  ўзлари танлаган номзодга овоз берди. 

 

Вебинарда мазкур сиёсий тадбирни Конституция ҳамда қонунлар, умумэътироф этилган халқаро демократик стандартлар асосида ўтиши кўп жиҳатдан фуқароларнинг сиёсий маданияти ва фаоллиги, фуқаролик бурчини чуқур англашига боғлиқлиги ҳақида сўз борди.

 

Муножат Валиева