Кристенсон Лондонда қолмоқчи
Англиянинг “Челси” клуби даниялик ҳимоячи Андреас Кристенсoн билан янги шартнома борасида келиша олмади.
Футболчи ва клуб ўртасидаги музокаралар боши берк кўчага кириб қолди: томонлар икки ойдан буён келишувга эриша олгани йўқ. Даниялик футболчи Лондонда қолишни истамоқда. Ҳозирги кунда ҳимоячи Англия премьер-лигасида олти учрашувда иштирок этди. Кристенсoннинг “Челси” билан шартномаси 2022 йилнинг ёзига қадар амал қилади.
Эслатиб ўтамиз, Кристенсoн 2014 йилдан бери “Челси” сафида ўйнаб келмоқда. У клуб таркибида Англия кубоги, Чемпионлар лигаси, Европа лигаси ва UEFА Суперкубогини қўлга киритган.
Аввалроқ Абрамович Азарни Лондонга қайтармоқчилиги ва Клопп “Ливерпул” тарихида янги рекорд ўрнатгани ҳақида хабар берилганди.
Жамшидбек Амиров
