Президентлик сайловида номзодларга берилган овозлар сони очиқланди

 

Жорий йилнинг 24 октябрь куни ўтказилган Ўзбекистон Республикаси Президенти сайловида 20 миллион 158 минг 907 нафар сайловчидан 16 миллион 212 минг 343 нафари сайловда қатнашган. Фойдаланилмаган ва бузиб қўйилиб, бекор қилинган сайлов бюллетенларининг умумий сони эса 4 миллион 47 минг 358 тани ташкил этган.

 

Овоз беришда иштирок этган сайловчиларнинг умумий сони – 16 миллион 212 минг 343 нафар бўлиб, шундан муддатидан олдин овоз беришда иштирок этганлар 421 минг 176 нафарни ташкил этди.

 

Овоз беришда иштирок этган сайловчилар томонидан ҳар бир номзодни ёқлаб берилган овозлар сони қуйидагича:

 

Мирзиёев Шавкат — 12 миллион 988 минг 964 нафар (80,12 фоиз);

Ворисова Мақсуда — 1 миллион 75 минг  16 нафар (6,63 фоиз);

Қодиров Алишер — 888 минг 515 нафар (5,48 фоиз);

Обломурадов Нарзулло — 670 минг 641 нафар (4,14 фоиз);

Абдуҳалимов Баҳром — 549 минг 766 нафар (3,39 фоиз).

 

Эслатиб ўтамиз, жорий йилги президент сайловларида адбиркорлар ва ишбилармонлар ҳаракати – Ўзбекистон Либерал-демократик партиясидан номзод Шавкат Миромонович Мирзиёев – 80,1 фоиз овоз билан ғалаба қозонганди.