Смартфонни ёнга қўйиб ухлаш бир қанча касалликларнинг пайдо бўлишига сабаб бўлар экан — мутахассислар фикри

 

Россиялик невропатолог ва “SM-Clinic” сомнологи Олга Зинчева ётишдан олдин смартфондан фойдаланиш хавфли экани ҳақида фикр билдирган.

 

Унинг айтишича, гаджетдан радиочастота нурланиши инсон тўқималари томонидан сўрилади ва саломатликка салбий таъсир кўрсатади. Нурланиш бепуштлик, саратон, неврологик ва руҳий касалликларни келтириб чиқариши мумкин.

 

“Бироқ смартфоннинг танага  ножўя таъсири ҳақида маълумотга эга эмасмиз”, — дея қўшимча қилди шифокор.

 

"Тиббиёт" ОАЖ шифокор-сомнологи Максим Новиков ҳам смартфонларнинг уйқу жараёнига қанчалик таъсир қилиши ҳақида гапирган. Мутахассиснинг таъкидлашича, кечаси уйғонганингизда телефонингизни олиб, вақтни текшириб кўрмаслик керак. Чунки бу асаб тизимини қўзғатади ва экрандан ёрқин нур дам олиш учун зарур бўлган мелатонинни йўқ қилади.

 

"Телефон экранининг нури кўзга, биологик ритмга салбий таъсир қилади, уйқусизлик, бош оғриғи, ишлаш лаёқатининг пасайиши, хотира бузилишига олиб келади. Дегенератив кўз касалликларининг пайдо бўлишига сабаб бўлади", - дея таъкидлади Зинчева.

 

Бундан авал тиниқиб ухлашга ёрдам берадиган 13 маҳсулот ҳамда 7 одат ҳақида хабар берилганди.

 

Оламгир Абдиев