Сўнгги 9 ой давомида маҳаллий фармацевтикадаги экспорт ва ўзлаштирилган инвестиция маблағлари очиқланди
Маҳаллий фармацевтикада қиймати 244,7 милллард. сўмга тенг 6 та йирик ишлаб чиқариш лойиҳасининг ишга туширилиши 252 та янги иш ўрни яратилишига асос бўлди.
Соғлиқни сақлаш вазирлиги ҳамда Фармацевтика тармоғини ривожлантириш агентлиги томонидан ўтказилаётган матбуот анжуманида агентлик томонидан сўнгги 9 ой давомида амалга оширилган ишлар таҳлил қилинди.
Унга кўра, , жорий йил юртимиздаги маҳаллий фармацевтика корхоналари томонидан қиймати 1,86 триллон. сўмлик фармацевтика маҳсулотлари ишлаб чиқарилиб, 113,4 фоизлик ўсиш кўрсаткичлари таъминланди. Шунингдек, Инвестиция дастурининг 29 та лойиҳаси доирасида 500,9 миллиард. сўм, жумладан, 18,6 миллон. доллар миқдорида хорижий инвестиция маблағлари ўзлаштирилди.
Бундан ташқари, 48,05 млн. долларлик маҳсулот экспорти амалга оширилди. Бу режалаштирилган кўрсаткичларга нисбатан 121,7 фоизни ташкил этади.
Шу билан бирга, замонавий дори воситаларини ишлаб чиқаришни дунё стандартлари асосида ташкил қилишни йўлга қўйиш учун республикамизда халқаро амалиёт ва илғор тажрибалар билан уйғунлаштирилган Ўзбекистон Республикаси Давлат фармакопеяси асослари ишлаб чиқилди ҳамда китоб ва электрон манба сифатида соҳа мутахассислари фойдаланиши учун тақдим қилинди.
Мазкур нашр 2 қисмдан иборат, 5 та боб, 335 та бўлимни ўз ичига олган, ўзбек ва рус тилларида жами 2466 саҳифада жамланган.
Эслатиб ўтамиз, аввалроқ айрим тиббий буюмлар ишлаб чиқариш учун лицензия талаб қилинмаслиги, фармацевтика саноатида зарур амалиётлар маркази ташкил этилиши ҳақида хабар берилганди.
Шунингдек, Ўзбекистонда фармацевтикага ихтисослашган янги универстет ташкил этилиши хақида хабар берилганди.
Чўлпоной Аҳмедова
