"Толибон" Эрон билан таълим соҳасида ҳамкорлик қилмоқчи
Толиблар ҳукуматидаги Олий таълим вазири вазифасини бажарувчи Абдул Боқи Ҳаққоний яқин кунларда Эронга расмий ташриф билан боришини айтди.
Бу ҳақда "Регнум" хабар берди.
Толиблар ҳукуматидаги олий таълим вазири вазифасини бажарувчи Абдул Боқи Ҳаққоний Эрон элчиси билан учрашувда яқин кунларда Эронга расмий ташриф билан боришини маълум қилди.
Ҳаққоний бошчилигидаги делегация шунингдек, икки давлат ўртасидаги муносабатларни муҳокама қилади. Шу билан бирга Эрондаги афғон қочқинларига махсус стипендиялар бериш масаласи кўтарилиши маълум қилинди.
Ҳаққоний Теҳроннинг Афғонистон билан олий таълим соҳасидаги ҳамкорлигини юқори баҳолади. Ўз навбатида Эрон элчиси Баҳодир Аминян Теҳрон олий таълим соҳасида тажриба алмашишга тайёрлигини маълум қилган.
Аввалроқ Афғонистон шимолидаги Мозори Шариф шаҳрида портлаш содир бўлгани ҳамда Хитой ва Афғонистон ўртасида савдо алоқалари тиклангани хабар қилинганди.
Жаҳонгир Қўзиев
