Ўзбекистон халқини келажакда тараққиёт ва фаровон кунлар кутмоқда — Ёшинори Фуджияму
Япония элчиси Ёшинори Фуджияму Президент Шавкат Мирзиёевнинг расмий инаугурация маросимида иштирок этди.
У ўзининг таассуротлари билан ўртоқлашди:
“Япония ҳукумати ва ўз номимдан Президент Шавкат Мирзиёевни иккинчи муддатга сайлангани билан табриклайман. Тантанали маросимда давлат раҳбарининг нутқини тинглаб, Ўзбекистон халқини келажакда тараққиёт ва фаровон кунлар кутаётганига яна бир бор ишонч ҳосил қилдим”.
Шунингдек, элчи Шавкат Мирзиёевнинг қайта сайлангани унинг сўнгги 5 йил давомида мамлакатда улкан ўзгаришларни амалга оширганидан далолат бериши ҳамда ўз олдига юксак мақсадларни қўйганига яна бир карра амин бўлганлигини билдириб ўтган.
Эслатиб ўтамиз, аввалроқ Покистонда нашр этилган “Шавкат Мирзиёев — узоқни кўра биладиган давлат арбоби” китобининг тақдимоти бўлиб ўтгани ҳақида хабар берилганди.
Чўлпоной Аҳмедова
