Туризм, кооперация, транзит. Абдулла Арипов МДҲ саммитида муҳим ташаббусларни илгари сурди
МДҲ давлатлари бош вазирлари учрашуви онлайн форматда бўлиб ўтмоқда.
Абдулла Арипов МДҲ ҳукумат раҳбарлари учрашувида нутқ сўзлади. Унда Ўзбекистон Республикаси Бош вазири бир қанча муҳим ташаббусларни илгари сурди.
Арипов ташкилот доирасида саноат кооперациясини кучайтириш зарурлигини қайд этган. Унинг сўзларига кўра, 20222 йил баҳорида Ўзбекистонда МДҲ саноат кооперациясига бағишланган форум ўтказиш режалаштирилмоқда.
Бош вазир транзит салоҳиятини оширишга алоҳида тўхталди. Бунда “Ўзбекистон-Қирғизистон-Хитой” темирйўли бутун МДҲ транзити имкониятини бир неча баробар ошириши алоҳида таъкидланди.
Шунингдек, ташкилотга аъзо давлатлар ўзаро меҳнат мигрантлари сертификатларини тан олиш таклиф қилинди.
Арипов туризм масаласи бўйича ҳам бир қанча таклифларни илгари сурди.
“Туризмни тиклаш учун МДҲ давлатлари соғлиқни сақлаш тизимларини мувофиқлаштириш зарур. Шу билан бирга санитар чекловларини инобатга олган ҳолда Ҳамдўстлик доирасида эркин ҳаракатланиш зонасини ташкил қилиш мумкин”, – деган Ўзбекистон ҳукумати раҳбари.
Аввалроқ Тошкентда МДҲ давлатлари банк раҳбарлари форуми ташкил этилиши хабар қилинганди.
Жаҳонгир Қўзиев
