Шавкат Мирзиёевнинг Россияга ташрифи юзасидан маълумот берилди
Бундан аввал Президентнинг Қозоғистонга ташриф буюриши маълум бўлганди.
Ўзбекистон Республикаси Президенти Шавкат Мирзиёев Россия Федерацияси Президенти Владимир Путиннинг таклифига биноан 19 ноябрь куни ташриф билан Россияга боради. Бу ҳақда Президент матбуот хизмати хабар берди.
Икки мамлакат етакчилари Москва шаҳрида музокара ўтказадилар, Ўзбекистон-Россия стратегик шериклик ва иттифоқчилик муносабатларини янада ривожлантиришнинг долзарб масалаларини муҳокама қиладилар. Қатор икки томонлама ҳужжатлар имзоланиши ҳам кўзда тутилган.
Ташриф арафасида Москвада Ўзбекистон ва Россия иккинчи Таълим форуми ва навбатдаги Ҳудудлараро ҳамкорлик форумининг қўшма тадбирлари ўтказилмоқда.
Аввалроқ Шавкат Мирзиёев йил охирига қадар Қозоғистонга бориши ҳақида маълум қилинганди.
