Турк актёри Бурак Ўзчивит 4 йилга қамалиши мумкин
Терговчилар актёрнинг номақбул ҳатти-ҳаракати учун суддан қамоқ жазосини талаб қилишган.
Маълум бўлишича, Туркиянинг Бейкоз тумани прокуратураси Бурак Ўзчивитнинг ҳамкасблари томонидан судга киритилган шикоятни кўриб чиқди.
Унга кўра, ҳамкасблар ўртасидаги низо октябрь ойининг ўрталарида содир бўлган.
Аниқланишича, актёр Бурак Ўзчивит “Қурилиш: Усмон” сериалининг суратга олиш жараёнида атрофдагиларга нисбатан қўпол муомалада бўлган ва уларни бир неча бор ҳақорат қилган. Ўша жараённи ўз кўзи билан кўрган гувоҳлар ҳам мавжуд.
Ҳозирда Прокуратура бир нечта шахсни ҳақорат қилгани учун актёрга нисбатан айблов хулосасини тузган. Ушбу ҳужжатнинг мазмуни Бурак Ўзчивит 3 ойдан 4 йилгача қамоқ жазосини олиши мумкин.
Қайд этилишича, Б.Ўзчивитнинг ўзи барча айбловларни рад этмоқда. У суратга олиш гуруҳи вакиллари билан яхши муносабатда бўлгани, юзага келган ноқулайлик туҳмат эканлигини билдирган.
Аммо, айрим журналистлар ижодкорга қарши бўлиб олишган. Мисол учун, журналист Бирсен Альтунтуш ушбу суд жараёни ўта муҳим экани, кимлардир ўзини бошқалардан устун қўйиш ҳуқуқига эга эмаслигини айтиб ўтган.
Эслатиб ўтамиз, аввалроқ турк актёри Халит Эргенч учинчи маротаба ота бўлгани ҳамда Роналду эгизак фарзанд кутаётгани маълум қилингани ҳақида хабар берилганди.
Чўлпоной Аҳмедова тайёрлади
