Криштиану Роналду: “Мен унинг кейинги фаолиятида омад тилайман”
“Манчестер Юнайтед”нинг португалиялик ҳужумчиси Криштиану Роналду “қизил иблислар” бош мураббийлигидан бўшатилган Оле-Гуннар Сулшер ҳақида фикр билдирди:
“Мен “Олд Траффорд”га биринчи бор келганимда у футболчи эди. Кейинчалик жамоага қайтганимда у менинг мураббийимга айланди. Оле - ажойиб инсон. Мен унинг кейинги фаолиятида омад тилайман”.
Эслатиб ўтамиз, Сулшер 2018 йилда “Манчестер Юнайтед”ни қабул қилиб олганди. “Манчестер Юнайтед” ҳозирда Англия чемпионатининг 12 та ўйинида 17 очко тўплаган ҳолда АПЛ турнир жадвалида 8-ўринни эгаллаб турибди.
Аввалроқ “Манчестер Юнайтед” клуби бош мураббийи истеъфога чиқарилгани ва Роналду Манчестердан кетмоқчилиги ҳақида хабар берилганди.
Жамшидбек Амиров
