Саида Мирзиёева БААнинг вазирлари билан учрашди
Учрашувда ижтимоий-иқтисодий масалалар муҳокама қилинди.
28 ноябрь куни Саида Мирзиёева Бирлашган Араб Амирликлари Давлат тараққиёти ва келажаги масалалари вазири Оҳуд бинт Халфан Ал-Руми хоним билан учрашди. Бу ҳақда С. Мирзиёева ўзининг расмий телеграм саҳифасида маълум қилди:
“Айтиш керакки, БАА — сўнгги 50 йилда инсонлар, айниқса, аёллар учун хавфсиз ҳудудга, дунёнинг энг тараққий этган мамлакатларидан бирига айланди. Учрашувда ижтимоий-иқтисодий масалалар юзасидан фикр алмашдик, кўплаб соҳалар бўйича ўзаро ҳамкорлик қилиш истиқболларини муҳокама қилдик”.
Учрашув давомида Руми хоним Луврда бўлиб ўтадиган Ўзбекистон кўргазмасига катта қизиқиш билдираётганини таъкидлаб, Жаҳон банки рейтингларидан бирида бош ислоҳотчи сифатида тилга олинган Ўзбекистоннинг ажойиб юрт эканини ва қадимий шаҳарларимизни кўриш орзуси борлигини айтиб ўтган.
Шунингдек, EXPO - 2020 доирасида БААнинг халқаро ҳамкорлик бўйича Давлат вазири Рим Ал-Ҳошимий билан ҳам учрашув бўлиб ўтди.
