Шимолий Кореялик қизалоқ тақиқланган фильмни томоша қилгани учун 14 йилга қамалди

 

“The Man from Nowhere” (“Ҳеч қаерлик одам”) фильми ўсмир учун қимматга тушди. У 14 йилга ахлоқ тузатиш ишларига ҳукм қилинди.

 

Хусусан, Шимолий Корея ўтган йили янги мафкура ва маданият тўғрисидаги қонунни қабул қилди. Ҳатто ушбу  қонунга кўра, Жанубий Корея видеолари ва контентини тарқатиш ўлим билан жазоланиши мумкин. Шунингдек, фильмларни кўриш 15 йиллик қамоқ билан якунланади. 

 

Ўқувчи мазкур фильмнинг атиги 5 дақиқасини кўргани учун жазоланган. Бу билан ҳокимият қонунларни қатъий ижро этиш орқали қўрқув муҳитини яратишга ҳаракат қилмоқда.

 

Қайд этилишича, ўқувчиларнинг  ота-оналари ҳам бу ҳаракатларда айбдор саналиб, жазоланиши мумкин.Шимолий Корея қонунчилигига кўра, “Агар мафкура ва маданият қонунига қарши жиноят ота-оналарнинг фарзандларини тарбиялашдаги масъулиятсизлиги туфайли содир бўлса, ота-оналар 100 000 вондан ( 85 доллар) 200 000 вонгача ( 170 АҚШ доллари) жаримага тортилади” мазмунидаги моддалар билан “бойитилган”.

 

Маълумот учун: Шимолий Кореялик аскар Жанубий Кореяда машҳур бўлган “БТС” рақсини ижро этгани учун ҳибсга олинганди.

 

Эслатиб ўтамиз, аввалроқ Шимолий Корея янги қанотли ракеталарни синовдан ўтказгани ҳақида хабар берилганди.

 

Чўлпоной Аҳмедова